Ina scola sa metta sin via cun ina gruppa directiva interna vers ina scola che promova la sanadad. Suenter ina analisa da la situaziun vegnan elavuradas duas finamiras en in process participativ. Quellas vegnan elavuradas ed evaluadas durant trais onns. Per quest process pon scolas dumandar cussegliaziun. Il process da cussegliaziun e la purschida per las scolas vegn organisà da l’Uffizi da sanadad en collavuraziun cun la Scola auta da pedagogia dal Grischun.  
La via en direcziun d’ina scola persistenta che promova la sanadad sa esser differenta tut tenor la scola e n’è era betg adina lineara. Tuttina datti sis pass da process ch’èn sa cumprovads en la pratica e che duain dar ina orientaziun per l’agen process da svilup.

Pass 1: Analisa da la situaziun – nua essan nus?
A chaschun dal prediscurs sclereschan la direcziun da scola, la persuna da coordinaziun da la rait da scolas21 grischun ed ina persuna da la SAP Grischun las cundiziuns da rom specificas da la scola e l’ulteriur proceder per l’entrada en la rait.

Pass 2: Planisaziun – nus mettain prioritads e planisain
En il workshop inizial vegn l’entir collegi infurmà davart la muntada da la rait da scolas21. Las pussaivladads che la rait porscha vegnan preschentadas, e cun l’analisa da la situaziun vegnan skizzads ils proxims pass sin la via tar ina scola che promova la sanadad.

Pass 3: Cunvegna – nus suttascrivain
Il collegi, la direcziun da scola e las autoritads da scola sustegnan la decisiun da sa metter sin via cuminaivlamain vers ina scola che promova la sanadad.

Pass 4: Implementaziun – nus realisain
La scola realisescha ses program individual per cuntanscher las finamiras definidas e sa participescha da maniera activa a la rait.

Pass 5: Evaluaziun – nus evaluain e festivain!
Ensemen cun la persuna cumpetenta da l’Uffizi da sanadad u da la SAP Grischun ha lieu in discurs d’evaluaziun.

Pass 6: Renovar la cunvegna – nus lavaurain vinavant
Cun la definiziun da duas novas finamiras cuntinuescha la scola sia via ad ina scola che promova la sanadad.

Process cun descripziun dal process

Cunvegna